रायगड जिल्ह्यातील अलीबाग येथे स्थापन करण्यात आलेले शासकीय वैद्यकीय महाविद्यालय हे शैक्षणिक वर्ष २०२१-२२ पासून कार्यरत असलेले जिल्ह्यातील पहिले आणि एकमेव शासकीय वैद्यकीय महाविद्यालय आहे. या भागातील सर्वसामान्य नागरिकांच्या आरोग्यविषयक गरजा पूर्ण करण्याबरोबरच भावी वैद्यकीय तज्ज्ञांना दर्जेदार व सर्वसमावेशक वैद्यकीय शिक्षण प्रदान करण्याच्या उद्देशाने या महाविद्यालयाची स्थापना करण्यात आली आहे.